İŞİD komandanı əsir düşdü, Azad Suriya Ordusu İŞİD-in təxribatının qarşısını aldı

Suriyanın Kobani şəhərinə hücum edən İŞİD terror qruplaşması ağır zərbə alıb.

ANS PRESS-in məlumatına görə, Kobaninin müdafiəsinə cəlb olunmuş Azad Suriya Ordusunun əsgərləri İŞİD-in şərq cəbhəsinin komandirini əsir götürüblər.

Kobanidəki yerli fəal Murad Əbu Rəşad verdiyi açıqlamada bildirb ki, Azad Suriya Ordusunun “Şəms əl Şemel” qrupu Kobanidə təxribat törətmək istəyən 11 İŞİD üzvünü fərq edib.

Onlarla döyüşdə İŞİD-in şərq cəbhə komandirinin əsir alındığını vurğulayan Murad Əbu Rəşad peşmərgələrin də terror təşkilatına istiqamətli hücumlarını artırdığını bildirib.

Onun sözlərinə görə, Kobanidə günbəgün gərginlik azalır.

İŞİD komandanın adı isə açıqlanmır. (anspress)