Yazar arşivleri: webmaster

11 Şəhidimizə görə gənclər Xiyabana yığışır

Yayın tarihi

Bu gecə cəbhə xəttində baş verən atışmadan sonra Azərbaycan ordusunun 11 şəhid verməsi Şəhidlər Xiyabanında anılacaq.

Axar.az-ın Feysbuk sosial şəbəkəsindəki səhifəsində yaradılmış “event”in (tədbir) bu gün axşam saat 8-də keçirilməsi nəzərdə tutulub.
Tədbirdə bir sıra tanınmış ictimaiyyət adamları və millət vəkillərinin də iştirakı planlaşdırılıb.
Tədbir açıq tiplidir və anım aksiyasında hər kəs iştirak edə bilər.  (Musavat.com)

Ulduz futbolçu dizlərindəki ağrı səbəbindən karyerasını bitirdi

Yayın tarihi

“Barselona” klubunun sabiq kapitanı Karles Puyol karyerasını başa vurmasının səbəbini açıqlayıb.
Qol.Az-ın məlumatına görə, FİFA-nın rəsmi saytına danışan Puyol dizlərindəki ağrının ona futbol oynamaq imkanı vermədiyini bildirib:
“Son iki ildə əlimdən gələn hər şeyi etdim. Əməliyyat, müalicə. Ancaq dizlərim “bəsdir” dedi. Karyeramı bitirmək ən yaxşı variant idi. Bədən üzvlərinin səni eşitməməsi çox utancvericidir. Nəsə etmək istəyirsən, ancaq bacarmırsan. Hazırda müntəzəm olaraq müalicə kursu alıram və normal həyat tərzi yaşamağa çalışıram”.
Qeyd edək ki, 1999-cu ildən “Barselona”nın şərəfini qoruyan Puyol ötən mövsümün sonunda karyerasını başa vurub.  (musavat.com)

Obama bilyard oynadı

Yayın tarihi

ABŞ prezidenti Barak Obama bilyard oynayıb.

ANS PRESS-in məlumatına görə, bu haqda fotonu Barak Obama Facebook sosial şəbəkəsində paylaşıb.

Göründüyü kimi, o, Denver şəhərində Kolorado ştatının qubernatoru Con Hickenlooperlə bilyard oynayır və kefinin kök olduğu sezilir. Ətrafda olan çox saylı jurnalistlər isə onların şəkillərini çəkirlər.

2 saat bundan öncə qoyulan fotonu artıq 110 minə yaxın insan bəyənib, 5 minə yaxın insan isə fotoya şərh yazıb.

Qeyd edək ki, ABŞ prezidenti Barak Obamanın Facebook səhifəsinin 42 milyona yaxın istifadəçisi var.

7 boksçumuz 1/4 finala yüksəlib

Yayın tarihi

7 boksçumuz 1/4 finala yüksəlib

Rusiyanın Anapa şəhərində boks üzrə yeniyetmələr arasında Avropa birinciliyi davam edir

Rusiyanın Anapa şəhərində boks üzrə yeniyetmələr arasında Avropa birinciliyi davam edir. Boks Federasiyasından ANS PRESS-ə daxil olan məlumata görə, Azərbaycan milli komandasının 7 üzvü ¼ finala vəsiqə qazanıb.

70 kq çəki dərəcəsində mübarizə aparan Hüseyn Tarverdili italiyalı Covanni Sarçiottonu 3:0 hesabı ilə məğlub edib. Həmyerlimiz növbəti mərhələdə fransalı Kristof Fataki Bobozo ilə görüşəcək.

Şükran Mehdiyev də (80+kq) ¼ finala yüksələnlər arasındadır. Boksçumuz Rumıniya təmsilçisi Nikola Birneta üzərində qələbə qazanıb – 3:0. Mehdiyevin növbəti rəqibi bolqarıstanlı Angel Angelov olacaq. Şamil İbrahimzadə (60 kq) və Turan Həsənli (66 kq) isə uduzaraq, mübarizəni dayandırıblar.

Bu gün Rüfət Hüseynov (57 kq), Ümid Rüstəmov (50 kq), Pərviz Quliyev (57 kq) və Rövşən Musayev (75 kq) ¼ final mərhələsinin döyüşlərini keçirəcəklər. Sabah isə Tayfur Əliyev (52 kq), Hüseyn Tarverdili (70 kq) və Şükran Mehdiyev (80+kq) rinqə çıxacaqlar.

Mənbə
ANS PRESS